पुणे : एका ज्येष्ठ बांधकाम कंत्राटदाराच्या घरात मध्यरात्री घुसून तीन दरोडेखोरांनी तब्बल ₹२७.१५ लाखांचा ऐवज लुटल्याची धक्कादायक घटना उघडकीस आली आहे. दरोडेखोरांनी घराच्या मागील बाजूची लोखंडी जाळी कापून घरात प्रवेश केला, घरमालकाला मारहाण करत धमकावले आणि रोकड तसेच सोन्या-हिऱ्याचे दागिने घेऊन पसार झाले. या घटनेमुळे परिसरात भीतीचे वातावरण निर्माण झाले असून पोलिसांनी आरोपींचा शोध सुरू केला आहे.
पोलिस ठाण्यात दाखल करण्यात आलेल्या माहिती अहवालानुसार परमार पार्क फेज-१ येथे वास्तव्यास आहेत. ते व्यवसायाने सिव्हिल कंत्राटदार असून ही घटना घडली आहे
पोलिसांच्या माहितीनुसार, तीन तरुण आरोपींनी चेहऱ्यावर मास्क, डोक्यावर हूड असलेले स्वेटशर्ट परिधान केले होते. असून शरीरयष्टी सडपातळ असल्याचे प्राथमिक तपासात समोर आले आहे. आरोपींनी घराच्या मागील दरवाज्याजवळील लोखंडी ग्रील कापून घरात प्रवेश केला.
घरात शिरल्यानंतर आरोपींनी मारहाण केली. त्यांना धमकावत घरातील मौल्यवान वस्तूंची माहिती घेतली आणि घरातील कपाटे व इतर ठिकाणी ठेवलेली रोकड व दागिने लुटले. दरोडेखोरांनी संपूर्ण घराची झडती घेतल्यानंतर मोठ्या प्रमाणात मौल्यवान ऐवज घेऊन घटनास्थळावरून पलायन केले.
या दरोड्यात १७४ ग्रॅम वजनाचे सोन्या-हिऱ्याचे दागिने तसेच ₹१३.१५ लाखांची रोकड लंपास करण्यात आली आहे. चोरीस गेलेल्या दागिन्यांमध्ये फिर्यादी यांच्या पत्नी व सासू यांच्या मालकीचे दागिनेही असल्याचे पोलिसांनी सांगितले. चोरीस गेलेल्या सर्व मालमत्तेची एकूण किंमत ₹२७.१५ लाख इतकी असल्याचा अंदाज व्यक्त करण्यात आला आहे.
घटनेची माहिती मिळताच पोलिसांनी तातडीने घटनास्थळी धाव घेत पंचनामा केला. घरातील प्रवेशाचा मार्ग, कापण्यात आलेली ग्रील तसेच इतर पुरावे तपासासाठी जप्त करण्यात आले आहेत. परिसरातील सीसीटीव्ही फुटेजची तपासणी सुरू असून आरोपींचा माग काढण्यासाठी विशेष पथकांची नियुक्ती करण्यात आली आहे.
पोलिसांनी सांगितले की, आरोपींनी गुन्हा अत्यंत नियोजनबद्ध पद्धतीने केल्याचा प्राथमिक अंदाज आहे. त्यांनी घराची पूर्वरेकी केली होती का, याचाही तपास सुरू आहे. तसेच आरोपींना घरात मोठ्या प्रमाणात रोकड आणि दागिने असल्याची पूर्वकल्पना होती का, याचाही शोध घेतला जात आहे.
या घटनेमुळे परिसरातील नागरिकांमध्ये चिंतेचे वातावरण निर्माण झाले आहे. विशेषतः ज्येष्ठ नागरिकांच्या सुरक्षेचा प्रश्न पुन्हा ऐरणीवर आला असून रात्रीच्या गस्तीसह सुरक्षा व्यवस्थेत अधिक वाढ करण्याची मागणी स्थानिकांकडून केली जात आहे.
पोलिस ठाण्यात अज्ञात तीन आरोपींविरुद्ध भारतीय न्याय संहितेच्या संबंधित कलमांनुसार घरफोडी, दरोडा आणि मारहाणीचा गुन्हा दाखल करण्यात आला आहे. आरोपींचा शोध घेण्यासाठी पोलिसांकडून सीसीटीव्ही फुटेज, तांत्रिक तपास आणि गुप्त माहितीदारांच्या मदतीने तपास वेगाने सुरू असून लवकरच आरोपींना अटक करण्यात येईल, असा विश्वास पोलिसांनी व्यक्त केला आहे.
दरम्यान, नागरिकांनी घरात मोठ्या प्रमाणात रोकड ठेवणे टाळावे, मौल्यवान दागिने सुरक्षित लॉकरमध्ये ठेवावेत तसेच घरांच्या सुरक्षेसाठी सीसीटीव्ही, अलार्म सिस्टीम आणि मजबूत सुरक्षा उपायांचा अवलंब करावा, असे आवाहनही पोलिसांकडून करण्यात आले आहे.
About the Author
