इराण आणि अमेरिकेमधील वाढत्या संघर्षाच्या पार्श्वभूमीवर होर्मुज खाडी परिसरात तणाव शिगेला पोहोचला आहे. जागतिक तेल वाहतुकीसाठी अत्यंत महत्त्वाच्या मानल्या जाणाऱ्या या मार्गात गेल्या काही दिवसांत परिस्थिती अधिकच चिघळली असून, तेलाच्या किमतींनीही विक्रमी उच्चांक गाठला आहे.
याच दरम्यान आता जगाची चिंता वाढवणारी धक्कादायक घटना समोर आली आहे. होर्मुज खाडीत एका मोठ्या हल्ल्याची घटना घडली असून, या हल्ल्यात तब्बल 14 जणांचा मृत्यू झाल्याची माहिती समोर आली आहे. काही जण गंभीर जखमी असून मृतांचा आकडा वाढण्याची भीती व्यक्त केली जात आहे.
हा हल्ला नेमका कोणी केला याबाबत अद्याप स्पष्ट माहिती मिळालेली नसली तरी, इराण-अमेरिका संघर्षाशी त्याचा संबंध असल्याचा संशय व्यक्त केला जात आहे. या घटनेनंतर आंतरराष्ट्रीय स्तरावर खळबळ उडाली असून, अनेक देशांनी चिंता व्यक्त केली आहे.
दरम्यान, होर्मुज खाडीतील अस्थिरतेचा थेट परिणाम जागतिक अर्थव्यवस्थेवर होताना दिसत आहे. तेलाच्या किमती गगनाला भिडल्याने अनेक देशांमध्ये इंधन दरवाढीचा भडका उडण्याची शक्यता आहे.
संपूर्ण परिस्थिती लक्षात घेता, मध्य पूर्वेत तणाव आणखी वाढण्याची शक्यता वर्तवली जात असून, जगभरातील देश या घडामोडींवर बारकाईने लक्ष ठेवून आहेत.
About the Author
