कुणाल कामरावर होणार कठोर कारवाई ,मुख्यमंत्री देवेंद्र फडणवीसांची ग्वाही

राज्याचे माजी मुख्यमंत्री, उपमुख्यमंत्री आणि वरिष्ठ नेत्यांचा अपमान सहन केला जाणार नाही

Rohit HegadeMarch 25, 2025Last Updated: March 25, 2025

0 1 minute read

मुंबई / विशेष प्रतिनिधी: स्टँडअप कॉमेडियन कुणाल कामरा याने सोशल मीडियावर केलेल्या वादग्रस्त पोस्टमुळे मोठा गदारोळ उडाला असून, मुख्यमंत्री देवेंद्र फडणवीस यांनी कठोर कारवाई करण्याची ग्वाही विधीमंडळात दिली आहे.

कामराच्या वक्तव्यावर फडणवीसांचा जोरदार हल्ला

विधानसभेत बोलताना मुख्यमंत्री फडणवीस म्हणाले –
“स्टँडअप कॉमेडी करण्याचा कोणालाही अधिकार आहे, पण स्वातंत्र्याचा स्वैराचार करण्याचा हक्क कोणालाही नाही. कुणाल कामराला हे समजले पाहिजे की, महाराष्ट्रातील जनतेने 2024 मध्ये कोण गद्दार आणि कोण खुद्दार आहे, हे स्पष्ट केले आहे. स्वर्गीय हिंदूहृदयसम्राट बाळासाहेब ठाकरे यांची खरी विरासत कोणाकडे आहे, हे जनता ठरवेल.”

त्याचबरोबर, राज्याचे माजी मुख्यमंत्री, उपमुख्यमंत्री आणि वरिष्ठ नेत्यांचा अपमान सहन केला जाणार नाही, असेही फडणवीस यांनी ठणकावले.
तुम्ही कॉमेडी करा, व्यंग करू शकता, पण कोणावरही अपमानास्पद टीका केली जाणार नाही. गरज पडल्यास कठोर कारवाई केली जाईल,”असा इशारा त्यांनी दिला.