Beware of PM Kisan Application
सोलापूर/राहुल कोळेकर : प्रधानमंत्री किसान सन्मान निधी योजना कृषी विभागामार्फत राबविण्यात येत आहे. या योजनेअंतर्गत शेतकऱ्यांच्या मोबाईलवर पी.एम.किसान यादी किंवा पी.एम.किसान ॲप या मॅसेजची लिंक उघडताच शेतकऱ्यांच्या बँक खात्यातील रक्कम गायब होत आहे. त्यामुळे शेतकऱ्यांनी फसव्या पीएम किसान ॲप्लीकेशनपासून सावध रहावे, असे आवाहन जिल्हा अधीक्षक कृषी अधिकारी शुक्राचार्य भोसले यांनी केले आहे.
सोलापूर विभागीय हातमाग कापड स्पर्धा संपन्न
शेतकऱ्यांनी मोबाईलवर पी.एम.किसान लिस्ट, ॲप किंवा पी.एम.किसान ॲप या संदेशाची लिंक उघडू नये किंवा सदर लिंकचा वापर शेतकऱ्यांनी करू नये. तसेच, अशी काही घटना घडल्यास किंवा आढळून आल्यास त्वरित जवळच्या संबंधित सायबर पोलिसांकडे तक्रार नोंदवावी, असे आवाहनही जिल्हा अधीक्षक कृषी अधिकारी भोसले यांनी केले आहे.
अशी घ्यावी शेतकऱ्यांनी काळजी :
- शेतकऱ्यांनी कोणत्याही अनोळखी लिंकवर क्लिक करू नये.
- पी.एम.किसान योजनेच्या नावाने येणाऱ्या फसव्या ॲप्सपासून सावध राहावे.
- बँकेची माहिती कोणालाही देऊ नये.
- कोणतीही संशयास्पद घटना घडल्यास तात्काळ सायबर पोलिसांकडे तक्रार नोंदवावी.
About the Author
