- राज्यातील हवामानात पुन्हा एकदा मोठा बदल होण्याची शक्यता वर्तवण्यात येत आहे. एप्रिलच्या सुरुवातीलाच अनेक भागांत ढगाळ वातावरणासह वादळी पावसाची स्थिती निर्माण होऊ शकते, असा अंदाज हवामान विभागाने व्यक्त केला आहे.
गेल्या काही दिवसांपासून वाढलेल्या उकाड्यामुळे नागरिक हैराण झाले असताना आता या संभाव्य पावसामुळे काही प्रमाणात दिलासा मिळण्याची शक्यता आहे. मात्र, वादळी वाऱ्यासह पावसाची शक्यता असल्याने शेतकरी आणि नागरिकांनी सतर्क राहण्याचे आवाहन करण्यात आले आहे.
विशेषतः विदर्भ, मराठवाडा आणि पश्चिम महाराष्ट्रातील काही भागांत विजांच्या कडकडाटासह पावसाची शक्यता अधिक असल्याचे सांगितले जात आहे. त्यामुळे हवामानातील या अचानक बदलाचा परिणाम शेती आणि दैनंदिन जीवनावर होऊ शकतो.
About the Author
