South film industry : साऊथ फिल्म इंडस्ट्रीतील प्रसिद्ध अभिनेत्री कयादु लोहार सध्या मोठ्या अडचणीत सापडली आहे. तस्माक (TASMAC) घोटाळा, म्हणजेच 1000 कोटींच्या मद्याच्या मनी लॉन्ड्रिंग प्रकरणात तिचं नाव समोर आल्याने खळबळ उडाली आहे. ईडी (ED) ने केलेल्या छापेमारीत कयादुच्या खात्यात ३५ लाख रुपयांची पेमेंट झाल्याची माहिती मिळाली आहे. यामुळे आता तिच्यावर चौकशीची टांगती तलवार लटकली आहे.
अभिनेत्रीबद्दल थोडक्यात
कयादु लोहार साऊथची प्रतिभावान अभिनेत्री म्हणून ओळखली जाते. अलीकडेच तिचा नवा चित्रपट “ड्रॅगन” 21 फेब्रुवारी 2025 रोजी प्रदर्शित झाला होता आणि त्याने बॉक्स ऑफिसवर चांगली कमाई केली. या यशानंतर ती सुपरस्टारच्या यादीत आली आहे आणि अनेक नवीन प्रोजेक्ट्समध्ये झळकली.
घोटाळ्याचं स्वरूप काय?
तस्माक घोटाळा हा 1000 कोटी रुपयांच्या मद्य मनी लॉन्ड्रिंगचा प्रकार आहे, ज्यामध्ये अनेक व्यावसायिक, राजकीय नेते आणि आता कलाकारांचेही नाव येऊ लागले आहे. ईडीने तपास अधिक तीव्र केला असून, या घोटाळ्याचा तपशीलवार शोध सुरू आहे.
फॅन्सची प्रतिक्रिया आणि शंका
या प्रकरणाच्या बातम्या व्हायरल झाल्यानंतर कयादु लोहारच्या फॅन्सना जबरदस्त धक्का बसला आहे. काही लोकांचा दावा आहे की ही तिची प्रतिमा खराब करण्याचा डाव असू शकतो. अद्याप या सर्व आरोपांची अधिकृत पुष्टी झालेली नाही, त्यामुळे चौकशीचा निष्कर्ष काय लागतो, हे पाहणं महत्त्वाचं ठरेल.
