विशेष प्रतिनिधी: मराठी चित्रपटसृष्टीतील अभिनेत्री तेजस्विनी पंडित आपल्या दमदार अभिनयासोबतच सौंदर्यशैलीसाठीही नेहमीच चर्चेत असते. अलीकडेच तिने सोशल मीडियावर शेअर केलेल्या काही खास फोटोंनी चाहत्यांचं लक्ष वेधून घेतलं आहे.
पिवळ्या साडी, आकर्षक प्रिंटेड ब्लाऊज आणि केसांमधील गुलाबाचं फूल या साऱ्यांनी तेजस्विनीचा पारंपरिक आणि मोहक अंदाज पुन्हा एकदा समोर आला आहे.
कुरळे केस, कपाळावर टिकली, आणि आत्मविश्वासाने ओतप्रोत असलेला हा लूक चाहत्यांना खूप भावतो आहे.तेजस्विनीने ‘मी सिंधूताई सपकाळ’, ‘कँडल मार्च’, ‘आधी बसू मग बोलू’ आणि ‘नांदी’ यांसारख्या नाटक आणि चित्रपटांमधून अभिनयाची वेगवेगळी रूपं प्रेक्षकांसमोर आणली आहेत.
सोशल मीडियावर ती नेहमीच सक्रिय असून तिच्या स्टायलिश आणि पारंपरिक लुक्समधील फोटोसुद्धा तितकेच चर्चेचे विषय ठरतात.
आता तिने शेअर केलेल्या या नवीन फोटोंमध्ये तिच्या सौंदर्याचा आणि आत्मविश्वासाचा संगम स्पष्ट दिसतो आहे.
एकंदरीत, पारंपरिक लुकमध्येही ग्लॅमर कसे राखायचे, हे तेजस्विनीकडून शिकण्यासारखे आहे!
