सांगोला/प्रतिनिधीः सांगोला येथील रामकृष्ण टेक्निकल एज्युकेशन सोसायटी संचलित शिवाजी पॉलिटेक्निक कॉलेजमध्ये ६६ वा महाराष्ट्र दिन मोठ्या उत्साहात साजरा करण्यात आला. संस्थेचे उपाध्यक्ष मा.एम. आर. गायकवाड साहेब यांच्या हस्ते ध्वजारोहण करण्यात आले.
ध्वजारोहणानंतर उपस्थित उपाध्यक्ष, प्राचार्य, सर्व शिक्षक, शिक्षकेतर कर्मचारी आणि विद्यार्थी यांनी राष्ट्रगीत, ध्वजगीत आणि महाराष्ट्र गीताचे गायन केले. त्यानंतर उपाध्यक्षांनी उपस्थितांना संबोधित करत महाराष्ट्र राज्याच्या स्थापनेचा
गौरवशाली इतिहास तसेच महाराष्ट्राच्या इतिहासातील स्वातंत्र्यलढ्याचे व सामाजिक कार्याचे स्मरण करून दिले. त्यांनी विद्यार्थ्यांना कर्तव्यनिष्ठा, सामाजिक भान व
राष्ट्रनिर्माणासाठी योगदान देण्याचे आवाहन केले. संस्थाध्यक्ष मा. बाबुराव गायकवाड साहेब यांनीही उपस्थित सर्वांना महाराष्ट्र दिन व कामगार दिनाच्या शुभेच्छा
दिल्या. यावेळी सर्व विभाग प्रमुख, शिक्षक, शिक्षके तर कर्मचारी व विद्यार्थी मोठ्या संख्येने उपस्थित होते. ‘जय महाराष्ट्र’ च्या घोषणांनी कार्यक्रमाची सांगता झाली.
