२० हजारांची नोकरी ते कोट्यवधींचं मिळवलं साम्राज्य…पण वळण लागलं देशद्रोहाचं? पाहा हिची कोट्यवधींची संपत्ती आणि ब्रँड डील्स

Jyoti Malhotra :  पाकिस्तानसाठी हेरगिरी केल्याच्या आरोपाखाली अटकेत असलेली ज्योती मल्होत्रा चर्चेचा विषय ठरली आहे. भारतीय गुप्तचर यंत्रणांनी अलीकडेच तिला अटक केली असून, तिच्यावर देशद्रोहाचे गंभीर आरोप आहेत.

ज्योतीने तिच्या करिअरची सुरुवात एका स्थानिक नोकरीतून केली होती, जिथे तिला महिन्याला केवळ २० हजार रुपये पगार मिळत होता. ती न्यू अग्रसेन भवन कॉलनी, हिसार येथील ५५ यार्डच्या घरात राहत होती.

त्यानंतर तिने YouTube या प्लॅटफॉर्मवर आपले नशीब आजमवले. तिच्या व्हिडिओंना लोकप्रियता मिळू लागल्यावर ती सोशल मीडियावर ओळखली जाऊ लागली. यामधून तिला जाहिराती, ब्रँड डील्स आणि प्रमोशनद्वारे चांगले उत्पन्न मिळू लागले.

कोट्यवधींची संपत्ती आणि ब्रँड डील्स
मीडिया रिपोर्ट्सनुसार, तिची एकूण संपत्ती १५ लाख ते ४० लाखांच्या दरम्यान असू शकते, परंतु काही अहवालांमध्ये ती १५ कोटी रुपये असल्याचेही नमूद करण्यात आले आहे. ती एका ब्रँड डीलसाठी २० ते ५० हजार रुपये आकारत असे. दरमहा ती ४-५ ब्रँडशी करार करत असे, त्यामुळे ती सहजपणे ५० हजार ते २ लाख रुपये कमवत होती.

हेरगिरीचा आरोप आणि तपास सुरु
सोशल मीडियातून फायदा घेत तिने संवेदनशील माहिती गोळा करून पाकिस्तानपर्यंत पोहोचवली, असा आरोप आहे. या प्रकरणाची चौकशी सध्या गुप्तचर यंत्रणा करत असून, तिच्या सोशल मीडिया कनेक्शनसह आर्थिक व्यवहारांचीही चौकशी सुरु आहे.