भारत-पाक संघर्षामुळे शेअर बाजार उघडताच गुंतवणूकदारांना ८.३० लाख कोटी रुपयांचे नुकसान!
Share Market : भारत आणि पाकिस्तानमधील वाढत्या तणावाचा परिणाम आता शेअर बाजारावरही दिसू लागला आहे. ८ मे रोजी बाजार घसरणीसह बंद झाला होता. बाजार बंद झाल्यानंतर अशा बातम्या समोर आल्या की पाकिस्तानने भारताच्या काही लष्करी ठिकाणांना लक्ष्य करण्याचा प्रयत्न केला, ज्याला भारतीय सुरक्षा दलांनी हाणून पाडला. अशा परिस्थितीत दोन्ही देशांमधील वाढत्या तणावामुळे शेअर बाजाराबाबत गुंतवणूकदारांच्या मनात अनेक प्रकारचे प्रश्न निर्माण होत आहेत.
गुंतवणूकदारांना ८.३० लाख कोटी रुपयांचे नुकसान गुंतवणूकदारांचे नुकसान बीएसईच्या मार्केट कॅपशी जोडलेले असते. सेन्सेक्स आज १,३६६.४७ अंकांनी घसरून ७८,९६८.३४ अंकांवर होता आणि बीएसईचे मार्केट कॅप ४,१०,१९,८८६.३७ कोटी रुपये झाले. तर एका दिवसापूर्वी बीएसईचे मार्केट कॅप ४,१८,५०,५९६.०४ कोटी रुपये होते. याचा अर्थ असा की शेअर बाजार उघडताच गुंतवणूकदारांना ८,३०,७०९.६७ कोटी रुपयांचे नुकसान झाले. जाणकारांच्या मते, ट्रेडिंगच्या दिवसात गुंतवणूकदारांच्या नुकसानीत वाढ दिसून येऊ शकते.
सेन्सेक्समधील केवळ ३ शेअर्स हिरव्या रंगात सेन्सेक्सवर ३० शेअर्स सूचीबद्ध आहेत, ज्यामध्ये केवळ तीन – टायटन, एल अँड टी आणि टाटा मोटर्स हिरव्या रंगात आहेत. तर आज पॉवरग्रिड, ॲटर्नल आणि एचसीएलटेक मध्ये सर्वाधिक घसरण झाली आहे.
