सांगोला/प्रतिनिधीः शहीद जवान संस्थेच्या वतीने भगवान परशुराम व महात्मा बसवेश्वर महाराज यांची जयंती नेहरू चौक, सांगोला येथे मोठ्या उत्साहात साजरी करण्यात आली.
सुरुवातीला विष्णूचे सहावे अवतार भगवान परशुराम यांच्या प्रतिमेस श्री संदेश पलसे यांच्या हस्ते पुष्पहार अर्पण करण्यात आला व महात्मा बसवेश्वर यांच्या प्रतिमेस डॉ. मानस कमलापूरकर यांच्या हस्ते पुष्पहार अर्पण करण्यात आला.
यावेळी डॉ. मानसकमलापूरकर यांनी महात्मा बसवेश्वरांच्या जीवन परिचय करून दिला यावेळी कुमार कुलकर्णी, ओंकार कुलकर्णी,
मंगेश कुलकर्णी, सिताराम महिमकर, काशिनाथ ढोले, अजिंक्य घोंगडे, प्रतीक घोंगडे, निलेश ताकभाते, तेजस कुलकर्णी, ओंकार उकळे, डॉ. सागर कांबळे, पियुष घोंगडे मान्यवर व शहीद जवान संस्थेचे सर्व पदाधिकारी उपस्थित होते.
