Maharashtra election : उपमुख्यमंत्री अजित पवार व एकनाथ शिंदेंनी ‘यावर’ केला हल्ला

इन पब्लिक न्यूज वृत्तसेवा : महाराष्ट्र विधानसभेच्या निवडणुकीच्या निकालानंतर महाविकास आघाडी (MVA) कडून इलेक्ट्रॉनिक व्होटिंग मशीन (EVM) संदर्भात प्रश्न उपस्थित केले जात आहेत. यावर उपमुख्यमंत्री अजित पवार आणि एकनाथ शिंदे यांनी आघाडीवर टीकास्त्र डागले आहे.

उपमुख्यमंत्री अजित पवार सदनात बोलताना म्हणाले,

“लोकसभा निवडणुकीत आम्ही महाविकास आघाडीच्या बाजूने काम केलं. आमच्या आणि त्यांच्या मतांच्या टक्केवारीत फक्त 0.6 टक्क्यांचा फरक होता. त्यांना 31 जागा मिळाल्या आणि आम्हाला फक्त 17 जागा मिळाल्या. पण आम्ही याबाबत कोणतीही तक्रार केली नाही, आम्ही रडत बसलो नाही. आम्ही जनतेचा निर्णय मान्य केला, पुन्हा लोकांमध्ये गेलो, लढलो आणि जिंकलो.”

तसेच उपमुख्यमंत्री एकनाथ शिंदे यांनी देखील MVA वर जोरदार टीका केली. त्यांनी आरोप केला की,”विपक्ष EVM वर शंका उपस्थित करून लोकांमध्ये संभ्रम निर्माण करत आहे आणि जनादेश स्वीकारण्यास तयार नाही. सत्ताधारी महायुतीने विधानसभा निवडणुकीत त्यांच्या विकासकामांमुळे विजय मिळवला आहे. त्यामुळे MVA ने जनादेशाचा सन्मान करावा आणि सरकारच्या विकासकामांना समर्थन द्यावे.”

EVM वर वाद योग्य नाही असे शिंदे म्हणाले.

“जेव्हा तुम्ही जिंकता, तेव्हा EVM बरोबर असते आणि जेव्हा हरता, तेव्हा ती खराब असल्याचा दावा करता. ही भूमिका योग्य नाही.”

निवडणुकांच्या निकालांवरून सुरू असलेल्या या वादामुळे महाराष्ट्राच्या राजकारणातील तणाव वाढला आहे.