सिंहगड कॉलेज महाविद्यालयाचा खेडभाळवणीत श्रमसंस्कार शिबीराचा समारोप

पंढरपूर/ विशेष प्रतिनिधी : एस के एन सिंहगड कॉलेज ऑफ इंजीनियरिंग कोर्टी, पंढरपूर व पुण्यश्लोक अहिल्यादेवी होळकर, सोलापूर विद्यापीठ, सोलापूर यांच्या संयुक्त विद्यमाने राष्ट्रीय सेवा योजनेअंतर्गत खेडभाळवणी, ता.पंढरपूर येथे विशेष श्रमसंस्काराचे आयोजन करण्यात आले होते.
शिबिराच्या सुरुवातीपासूनच आम्ही गावासाठी विविध उपक्रम राबवले – स्वच्छता मोहीम, जनजागृती, लहान मुलांसाठी खेळ, वृक्षारोपण, दंतचिकित्सा, डोळे तपासणी मोफत शिबीर, महिलांचे आरोग्य तपासणी शिबीर, गावात जाऊन काही घरांना शोष खडडयाचे काम केले, तसेच दुपारच्या सत्राात मान्यवरांचे व्याख्याने अशा विविध प्रकारच्या माध्यमातून गाव मोहिम केली, आणि गावकऱ्यांसोबत संवाद साधला. सकाळी सूर्यप्रकाशात चमकणारी ती हिरवीगार शेतं, संध्याकाळी मंदिराजवळ बसून केलेल्या गप्पा, रात्री मंदिरात केलेले गावक-यांसोबतचे भजन, अगदी गावकरी सुध्दा सर्व मुलांमध्ये पूर्णपणे मिसळून मनमुराद आनंदाने भजन करीत होते. शेवटचा दिवस म्हणजे “निरोप समारंभ” – आमच्यासाठी खूप भावनिक क्षण होता. बसमध्ये बसताना मन थोडं हळवं झालं होतं. बाहेर उभे असलेले ग्रामस्थ, लहान मुलं आणि आम्ही सर्वच, एका वेगळ्या नात्यात बांधले गेलो होतो. यापुढेही असेच कार्य पुढील आयुष्यात करण्याचा निर्धार सिंहगड पंढरपूरच्या राष्ट्रीय सेवा योजनेच्या सर्व विद्यार्थ्यांनी केला.
सदरील कार्यक्रमाचा हा आठवडा यशस्वी करण्यासाठी गावचे सरपंच डॉ.संतोष साळुखे, उपसरपंच सौ.अ‍श्वीनी पाटील यांनी अतिशय उत्कृष्ठरित्या सहकार्य केले. तसेच सर्व गावक-यांनीही खूप मोलाचे सहकार्य केले त्याबददल सिंहगड महाविद्यालयाच्या वतीने खूप खूप आभार मानत आहोत.
हा कार्यक्रम यशस्वी करण्यासाठी सिंहगड कॉलेजचे प्राचार्य डॉ. कैलाश करांडे, उपप्राचार्य डॉ.स्वानंद कुलकर्णी तसेच राष्ट्रीय सेवा योजना कार्यक्रमअधिकारी प्रा. चंद्रकांत देशमुख, समन्वयक प्रा.सुमित इंगोले, प्रा. सिद्धेश्वर गंगोंडा, प्रा.अर्जुन मासाळ, प्रा.अजित करांडे , प्रा.गुरुराज इनामदार, सौ. निशा करांडे, संगीता कुलकर्णी, सोनाली घोडके, तेजस्वी झरकर व एन एस एस चे प्रेसिडेंट अथर्व कुराडे, सेक्रेटरी किशोर नरळे, नाना वाघमारे, सत्यम कापले, प्राप्ती रुपनर, तेजस्वी खांडेकर, अनुप नायकल, चेतन मासाळ, वैष्णवी पडगळ, आकांक्षा कवडे, सुमित अवताडे, आकाश चौगुले, प्राजक्ता डोंगरे, रशीद पठाण, हर्षद शिंदे, तसेच इतर सर्व विद्यार्थी वर्ग यांनी परिश्रम घेतले.