विशेष वृत्त : आज अक्षय तृतीयेचा पवित्र सण साजरा केला जात आहे. दरवर्षी हा सण वैशाख महिन्याच्या शुक्ल पक्षातील तृतीया तिथीला साजरा केला जातो. अक्षय तृतीया या सणाला विशेष महत्त्व आहे आणि ही तिथी अक्षय तीज नावाने ओळखली जाते. शास्त्रांनुसार, अक्षय तृतीया ही स्वयंसिद्ध मुहूर्त मानली जाते. म्हणजेच या दिवशी कोणतेही शुभकार्य सल्ला न घेता करता येते.
या दिवशी पवित्र नद्यांमध्ये स्नान, जप, तप, दान यासारखे पुण्यकर्म केल्यास ‘अक्षय फल’ (कधीही संपुष्टात न येणारे पुण्य) प्राप्त होते. तसेच या दिवशी भगवान विष्णू आणि माता लक्ष्मी यांची विशेष पूजा करण्याची परंपरा आहे.
अक्षय तृतीयेचे महत्त्व
पंचांगानुसार, वर्षभरात काही अशा तिथी असतात ज्या अखंड शुभ काल मानल्या जातात. त्यातील एक म्हणजे अक्षय तृतीया मान्यता आहे की, आजच्या दिवशी कोणतेही शुभकार्य – जसे की लग्न, गृहप्रवेश, मुंडन इत्यादी कोणताही मुहूर्त करता येते.
या दिवशी सोने-चांदीचे दागिने खरेदी करणे आणि भगवान विष्णू व लक्ष्मी देवीची पूजा केल्याने घरात सुख-समृद्धी आणि शांतता नांदते. तसेच रोग व दुःखांपासूनही मुक्ती मिळते.
या दिवशी गरीब व गरजू व्यक्तींना मदत व दान केल्यास अक्षय पुण्य मिळते आणि त्याचा लाभ अनेक जन्मांपर्यंत होतो असे मानले जाते. ही तिथी यशदायक आणि सौभाग्यशाली मानली जाते, म्हणूनच ती शुभ फलदायी मानली जाते.
