प्रवीण शिवपुजे : नगरपालिका निवडणुकीच्या प्रचाराच्या उत्तर सभेदरम्यान शहाजीबापू पाटील यांनी वरिष्ठ भाजप नेत्यांवर बोलत असताना सांगितले की कोणत्याही वरिष्ठांनी माझे काम थांबवले नाही मला त्यांनी आत्तापर्यंत मदत केली परंतु सांगोला शहरातील खालचे भाजप मात्र माझ्या विरोधात कटकारस्थान करत आहे नगरपालिका निवडणुकीमध्ये मला त्यांनी एकटं पडलं राज्यात सत्ताधारी पक्षात मैत्री पक्ष असताना सांगोल्यात मात्र हे चित्र उलट पाहायला मिळत आहे.
दरम्यान, माध्यमाशी बोलताना शहाजीबापू पाटील म्हणाले राज्यात मुख्यमंत्री एकनाथ शिंदे यांचा कार्यकर्ता म्हणून मी काम करतो आणि सत्ताधारी पक्षात मुख्यमंत्री देवेंद्र फडणवीस उपमुख्यमंत्री एकनाथ शिंदे उपमुख्यमंत्री अजित पवार यांच्या सरकार असताना देखील माझ्यावर हा अन्याय का केला त्यांनी पुढे बोलताना सांगितले पालकमंत्री जयकुमार गोरे आणि दीपक आबा साळुंखे पाटील यांच्यावर मी उत्तर सभेत टीका केली म्हणून हे कटकारस्थान माझ्या विरोधात त्यांनी केले माझ्यावर त्यांनी पुन्हा एकदा दबाव टाकण्याचा प्रयत्न केला परंतु माझ्या रक्तात लढणे आहे मी लढत राहील कोणत्याही दबावाला बळी पडणार नाही असे शहाजी बापू पाटील यांनी माध्यमांशी बोलताना सांगितले.
पुढे बोलताना ते म्हणाले, मी राज्याचे मुख्यमंत्री देवेंद्र फडणवीस आमचे नेते उपमुख्यमंत्री एकनाथ शिंदे आणि उपमुख्यमंत्री अजितदादा पवार यांच्याकडे जाऊन घडलेला सर्व प्रकार आणि या कटकरास्थानाची तक्रार मी त्यांच्याकडे करणार आहे येणाऱ्या काळात मला आमचे नेतेच न्याय देतील असे शहाजी बापू पाटील माध्यमांशी बोलताना म्हणाले.
दरम्यान शहाजी बापू पाटलांना अश्रू अनावर झाल्याने सांगोला तालुक्यात तालुक्यातून एकच चर्चा आणि खळबळीचे वातावरण तयार झाले आहे. उद्या होणाऱ्या मतदान आणि निवडणुकीत शहाजीबापू पाटील यांना नक्कीच फायदा होईल असा विश्वास त्यांच्या कार्यकर्त्यांना असून माध्यमांशी अशी बोलताना त्यांनी माहिती दिली.
About the Author
