तिने लिहिले, माझं आता जगायचं नाहीये..! २१ व्या मजल्यावरून उडी मारून इंजिनिअरची आत्महत्या”
पुणे/सहदेव खांडेकर : पुण्यात एक हृदयद्रावक घटना घडली आहे. हिंजवडी परिसरात एका सॉफ्टवेअर इंजिनिअर तरुणीने बिल्डिंगच्या 21व्या मजल्यावरून उडी मारून आत्महत्या केली.
पोलिसांनी दिलेल्या माहितीनुसार, तरुणी पहाटे 4 वाजता हिंजवडी येथील क्राउन ग्रीन सोसायटीत आली होती, जिथे तिची मैत्रीण राहते. तेथे आल्यानंतर काही वेळातच तिने थेट 21व्या मजल्यावरून खाली उडी घेतली. या घटनेत तिचा जागीच मृत्यू झाला.
आत्महत्येपूर्वी तिने एक सुसाईड नोट लिहिली होती. या चिठ्ठीत म्हणते, “मी आता जगणं थांबवलं आहे. मला आता पुढे जगायचं नाही.” तिने आपल्या आई-वडिलांची आणि मित्रांची माफी मागत ही टोकाची कृती केल्याचं लिहिलं होतं.
पोलीस तपासात मिळालेल्या वस्तू:
पोलीसांनी रूमची झडती घेतली असता तिथे आत्महत्या चिठ्ठी, रक्त लागलेले नॅपकिन, कपडे, उशीचा खोळ आणि तिचा मोबाईल सापडला आहे. हिंजवडी पोलीस ठाण्याचे अधिकारी या प्रकरणाचा सखोल तपास करत आहेत.
सध्या तरी पोलीस तपासात कोणतीही घातपाताची शक्यता किंवा कटाचा पुरावा समोर आलेला नाही. मात्र पोलीस सर्व शक्य त्या अंगाने या प्रकरणाची चौकशी करत आहेत.या प्रकरणाचा पुढील तपास पोलीस करत आहेत.
