विशेष प्रतिनिधी : पंतप्रधान नरेंद्र मोदी आणि रशियाचे अध्यक्ष व्लादिमीर पुतिन हे एअरपोर्टवरून थेट पंतप्रधान निवासस्थानापर्यंत एकाच टोयोटा फॉर्च्युनरमध्ये प्रवास करताना दिसले आणि त्यानंतर राजकीय वर्तुळात चर्चेला उधाण आलं. लोकांच्या मनात लगेच प्रश्न उभा राहिला— BMW नाही? Range Rover नाही? आणि फॉर्च्युनरच का?
यातच आणखी एक लक्षवेधी बाब म्हणजे या गाडीची नंबर प्लेट ‘MH’ (महाराष्ट्र) अशी होती—दिल्लीची नाही. ही बाबही अनेकांच्या नजरेत भरली.
फॉर्च्युनर निवडीमागचा अर्थ
राजकीय निरीक्षकांच्या मते, हा फक्त सुरक्षेचा किंवा सोयीचा निर्णय नव्हता, तर जाणीवपूर्वक दिलेला राजनैतिक संदेश होता.
️ BMW हे जर्मनीचं ब्रँड
️ Range Rover हे ब्रिटनचं ब्रँड (जरी मालकी टाटांकडे असली तरी उत्पादन ब्रिटनमध्ये)
️ Toyota हे जपानचं ब्रँड
जपान हा भारत आणि रशिया—दोन्ही देशांचा दीर्घकालीन, विश्वासू आणि संतुलित मित्र मानला जातो. त्यामुळे जर्मन किंवा ब्रिटिश लक्झरी वाहनाऐवजी जपानी टोयोटा फॉर्च्युनरची निवड ही प्रतीकात्मक आणि रणनीतिक असल्याचं बोललं जात आहे.
केवळ प्रवास नाही, तर संकेत
फॉर्च्युनरमध्ये तीन रांगा असतात—पुढे ड्रायव्हर आणि सहकारी, मधल्या रांगेत मोदी–पुतिन, आणि मागील रांगेत भाषांतर करणारे अधिकारी. भपकेबाजपणा टाळत, साध्या पण विश्वासार्ह SUVमध्ये दोन्ही नेते एकत्र बसले—यालाच अनेकजण ‘शांत राजनैतिक इशारा’ म्हणत आहेत.
हा प्रवास लक्झरीचा नव्हता; तो धोरणाचा, विश्वासाचा आणि मैत्रीचा होता.
राजनैतिक वर्तुळात एकच चर्चा नातेसंबंध ब्रँडवर नाहीत; ते धोरण, विश्वास आणि दीर्घकालीन मित्रत्वावर उभे असतात.
About the Author
