Ahmedabad Plane Crash: बोईंग ड्रीमलाइनरमध्ये जर RAT ऑन होतं, तर अपघात कसा झाला? तज्ज्ञांनी खुलासा केला

Ahmedabad Plane Crash: बोईंग विमानांमध्ये सातत्याने त्रुटी आढळून येत आहेत. अहमदाबादमध्ये एअर इंडियाचे बोईंग 787 ड्रीमलाइनर क्रॅश झाल्यानंतर आतापर्यंत ७ ते ८ असे प्रकार समोर आले आहेत, ज्यात बोईंग विमानांना इमर्जन्सी लँडिंग करावी लागली आहे. दरम्यान, एअर इंडिया विमान (Ahmedabad Plane Crash) अपघाताच्या प्राथमिक तपासात तपासकर्त्यांना असं वाटतं की, जेव्हा विमान कोसळलं, तेव्हा त्यामध्ये RAT म्हणजेच रॅम एअर टरबाइन सक्रिय होती. हे एक प्रकारचं आपत्कालीन उर्जास्रोत असतं, जेव्हा विमानात तांत्रिक बिघाड होतो किंवा इंजिन काम करणं थांबवतं, तेव्हा हे यंत्र चालू होतं.

RAT म्हणजे काय? आणि ते केव्हा चालू होतं?

(Ahmedabad Plane Crash) रॅम एअर टरबाइन (RAT) हे एक आपत्कालीन उर्जास्रोत आहे, जे संकटाच्या परिस्थितीत विमानाला वीज पुरवतो. एअर कमोडोर ए. एस. बहल यांच्या मते, हे एक लहान इंजिन असते, जे विमानाच्या खालच्या बाजूस, फ्युझेलाजखाली बसवलेले असते. जर दोन्ही इंजिन्स बंद झाली असतील, विमानाची वीज सप्लाय बंद झाला असेल किंवा हायड्रॉलिक प्रणालीने काम करणे थांबवले असेल, तर हे स्वयंचलितपणे सक्रिय होते. पायलटला आवश्यक वाटल्यास ते मॅन्युअली देखील सुरू करता येते.

जर RAT ऑन होतं, तरी अपघात कसा झाला?

तज्ज्ञ एअर कमोडोर डॉ. ए.एस. बहल सांगतात की, हे निश्चितपणे सांगता येणार नाही की RAT खरंच ऑन होतं, पण प्लेनमधून वाचलेल्या प्रवासी विश्वास कुमार रमेश यांनी सांगितलेल्या घटनाक्रमावरून ही शक्यता वाढते. त्यांच्या म्हणण्यानुसार, विमान उड्डाणानंतर अचानक थांबल्यासारखं वाटलं, मग ते खाली येऊ लागलं आणि मोठा आवाज होऊ लागला. अशी परिस्थिती तेव्हाच निर्माण होते, जेव्हा विमान हवेत असताना इंजिन बंद होतात आणि त्यामुळे RAT सक्रिय होतं. मात्र, या यंत्रात इतकी उर्जा नव्हती की ती विमानाला उडवू शकेल. म्हणूनच विमान थेट खाली कोसळू लागलं. दरम्यान, पायलटने ‘MayDay’ कॉल दिला होता, ज्याचा अर्थ एटीसीला (एअर ट्रॅफिक कंट्रोल) विमान संकटात असल्याची सूचना देणं. पण नंतर कॉकपिटचा संपर्क तुटला. म्हणजे काहीतरी तांत्रिक बिघाड निश्चितच झाला होता.

विमानात त्रुटी नव्हती, पण ही कारणं असू शकतात

तज्ज्ञ सांगतात की DGCA म्हणत आहे की विमानात कोणतीही समस्या नव्हती. (Ahmedabad Plane Crash) पण हे डिझाईनमधील दोष, किंवा देखभाल व्यवस्थेतील कमतरता असू शकते. सरकारने योग्य पाऊल उचलून एक उच्चस्तरीय समिती स्थापन केली आहे, ज्याचे अध्यक्ष गृहसचिव आहेत आणि या समितीत विविध खात्यांचे अधिकारी आहेत. प्रत्यक्षात DGCA अशा घटनांना रोखण्यात अपयशी ठरत आहे.

केदारनाथमध्ये नुकताच एक हेलिकॉप्टर क्रॅश झाला, याआधीही एक हेलिकॉप्टर रस्त्यावर उतरवावे लागले होते. DGCA सध्या प्रामुख्याने नोकरशहा चालवत असून, त्यांना अनेक गोष्टींचं तांत्रिक ज्ञान नाही. ते प्रयत्न करत आहेत, पण अपेक्षित यश मिळत नाही. त्यामुळे अशा समित्यांमध्ये अशा लोकांचा समावेश असावा, जे दीर्घ काळ एव्हिएशन इंडस्ट्रीशी जोडलेले आहेत.