इन पब्लिक न्यूज विशेष वृत्त :
मराठी पत्रकारितेचा प्रवास हा केवळ माध्यमांचा बदल नाही, तर तो वाचकांच्या सवयी, समाजाची मानसिकता आणि लोकशाहीच्या संवादपद्धतीत झालेला मोठा बदल आहे.
६ जानेवारी १८३२ रोजी म्हणजे १९४ वर्षेपूर्वी बाळशास्त्री जांभेकर यांनी सुरू केलेल्या दर्पणपासून आज मोबाईल स्क्रीनवर झळकणाऱ्या व्हिडिओ ब्रेकिंगपर्यंत मराठी पत्रकारितेने जवळपास पावणे दोनशे पेक्षा जास्त वर्षांचा प्रवास केला आहे. या प्रवासात आजचा टप्पा सर्वाधिक वेगवान, प्रभावी ठरत आहे.
वाचनाची सवय बदलतेय, पाहणं सोपं होतंय
एक काळ असा होता, जेव्हा बातमी वाचण्यासाठी वेळ काढला जात असे.
आज मात्र परिस्थिती उलट आहे. वाचण्यापेक्षा पाहणं अधिक सोपं, जलद आणि आकर्षक ठरत आहे.
मोबाईल, इंटरनेट आणि सोशल मीडियामुळे बातमीचा उपभोग घेण्याची पद्धतच बदलली आहे.
“टीव्ही किंवा प्रिंट संपणार नाहीत, पण लोकांची माध्यम वापरण्याची सवय निश्चितपणे डिजिटल आणि व्हिडिओकडे झुकते आहे.”
आज ‘मोबाईल टीव्ही’ हेच माहितीचं प्रमुख माध्यम बनत चाललं आहे.
टीव्ही पत्रकारितेवर डिजिटलचा दबाव
डिजिटल माध्यमांच्या वेगामुळे टीव्ही पत्रकारितेवर मोठा दबाव निर्माण झाला आहे.
२४x७ ब्रेकिंग देण्याच्या स्पर्धेत अनेकदा तपासणी, पार्श्वभूमी आणि सखोलता बाजूला पडते.
स्टुडिओ-केंद्रित चर्चा वाढल्या,डिजिटल प्लॅटफॉर्मवर व्हिडिओ क्लिप्स, रील्स आणि शॉर्ट फॉरमॅट्स लोकप्रिय होत असताना, टीव्हीला स्वतःची विश्वासार्हता टिकवण्याचं मोठं आव्हान आहे.
डिजिटल पत्रकारिता : संधी आणि संकट
डिजिटल पत्रकारितेने मराठी माध्यमविश्वात मोठी दारे उघडली आहेत.
- गावागावातील प्रश्न थेट समोर येऊ लागले
- युट्यूब, वेबसाईट्स, सोशल मीडिया यामुळे नवे पत्रकार पुढे आले
डिजिटलचा वेग जितका मोठा, तितकीच जबाबदारीची गरज अधिक आहे.
पत्रकारांपुढील वास्तव : काम वाढलं, सुरक्षितता घटली
डिजिटल युगात पत्रकाराची भूमिका केवळ बातमी लिहिण्यापुरती मर्यादित राहिलेली नाही.
आजचा पत्रकार
- रिपोर्टर आहे
- कॅमेरामन आहे
- व्हिडिओ एडिटर आहे
- सोशल मीडिया मॅनेजर आहे
इन पब्लिक न्यूजचा निष्कर्ष
मराठी पत्रकारितेचा डिजिटल टर्न अटळ आहे.
वाचणाऱ्यांपासून पाहणाऱ्यांपर्यंतचा हा प्रवास थांबणार नाही.
पण प्रश्न एकच आहे
हा टर्न लोकशाहीला बळ देणार की गोंधळ वाढवणार?
तंत्रज्ञान बदलू शकतं,
माध्यमं बदलू शकतात
पण पत्रकारितेचा आत्मा
सत्य, निर्भयता आणि सर्वसामान्यांचा आवाज
जर टिकला, तरच मराठी पत्रकारिता आपली ओळख जपेल.
✍ इन पब्लिक न्यूज – आवाज सर्वसामान्यांचा.
About the Author
