Happy Valentine’s Day
इन पब्लिक न्यूज/विशेष वृत्त : प्रेम, हसू आणि आठवणींचा उत्सव म्हणजे व्हॅलेंटाईन डे! आजच्या दिवशी प्रेमी युगुलांसाठी प्रत्येक क्षण खास असतो. “ती गोड हसली… ती मनमुराद हसली…” अशा अनेक गोड आठवणी प्रेमवीरांच्या मनात कायमच्या कोरल्या जातात.
आजच्या दिवशी कोणी आपल्या प्रिय व्यक्तीला गुलाब देतो, तर कोणी प्रेमाची गोड कबुली देण्याचा धाडसी निर्णय घेतो. काहींना पहिला व्हॅलेंटाईन डे खास असतो, तर काहींना तो प्रेमाच्या आणखी एका सुंदर वर्षाची सुरुवात वाटते.
रस्त्यांवर, कॅफेमध्ये, गार्डन्समध्ये प्रेमी युगुलांची गर्दी दिसते. हृदयाच्या कोपऱ्यात जपलेले भाव व्यक्त करण्यासाठी हा दिवस अनमोल आहे. सोशल मीडियावरही प्रेमाचे रंग फुलले असून, “व्हॅलेंटाईन डे स्पेशल” पोस्ट्स आणि फोटो ट्रेंड होत आहेत.
प्रेमाचा उत्सव फक्त प्रियसाठीच नाही तर..
व्हॅलेंटाईन डे हा केवळ प्रेमी युगुलांसाठी नाही, तर तो आपल्या प्रत्येक प्रिय व्यक्तीला प्रेम व्यक्त करण्याचा दिवस आहे. आई-वडील, मित्र-मैत्रिणी आणि अगदी स्वतःवरही प्रेम करण्याचा हा दिवस!
गोड हसू, प्रेमळ आठवणी आणि नवी स्वप्नं…
“ती हसली, मनमोकळं हसली… आणि तो क्षण आयुष्यभरासाठी खास बनला!” असे म्हणत अनेक प्रेमीयुगुलं आजचा दिवस आनंदाने साजरा करत आहेत. व्हॅलेंटाईन डे म्हणजे प्रेमाचा उत्सव, नात्यांचा उत्सव, आणि सगळ्यात महत्त्वाचं आठवणी जपण्याचा उत्सव मानला जातो.
About the Author
